TK Bremen : tolpad diriaou dirak ar Prefeti.

Peñse ul lestr-karg, ministred pilpous anezho e Breizh... Ur gwallreuz war an natur an hini eo. Daoust da se ne ’z a ket kalz tud da ziskouez sklaer ha splann pelec’h emañ an dalc’h.

Abaoe dekvedoù e chom listri a bep seurt war ar sec’h war aodoù Breizh : anv a vez graet eus armerzh ar gounid, panevet skoazell ar Stad a zo ankouaet. Ne ra Bro-C’hall van ebet nag evit hon dibaboù politikel nag evit hor c’hoantoù, ken kreizennet m’emañ. Na chomomp ket etre daou soñj, koulz lavaret n’eus tamm politikerezh-mor ebet. Foeltret eo hon tailhoù evit Enez-Frañs hag evit ur mont en-dro d’hon drailhañ muioc’h-mui bemdez. Troet eo Bro-C’hall outi he-unan pe ouzh ar Reter, tra gwirion postet ebet war talbenn meurvor atlantel. Hogen n’emañ ket eno hor planedenn !

Diouzh an dud a vez war draezhenn Kervinic’hi a zo peñseet an TK Bremen ennañ, en em gavout a reomp noazh-pilh pa c’hallemp bezañ gwarezet.

En amzer-da-zont ez ay hor galloudoù ha distro hon tailhoù er vro war zigresk ken-ha-ken c’hoazh !

Kement-se zo anavezet-mat gant ar baramantourien. An holl gozh-listri a c’hall aodañ en hor porzhioù, diwar-goust tud a vicher all a denn gounid eus ar mor hag an natur gwallet. Ne zouj ket Bro-C’hall da gendivizad etrebroadel 1992 zoken, daoust dezhi bezañ he feurwiriekaet.

Gelver a ra ar c’henstrollad Trawalc’h da vezañ tolpet dirak prefeti ar Mor-Bihan e Gwened, anezhañ arouez ar Stad, diriaou, d’an 22 a viz Kerzu, da 6 e. noz. Deomp gant Gwenn-ha-duioù ar muiañ ma c’haller !

Bertran Deleon